सायरी सङ्ग्रह

आँखामा फूल राखेर हेर

संसारलाई सुन्दर स्वर्ग देख्नेछौ !

आँखामा काँडा राखेर हेर

संसारलाई कुरुप नर्क देख्नेछौ !

कति काँडाले मात्र हेरेर आफ्नै आँखा बिझाउँछौ ?

एक चोटी फूलले हेरन,

सारा सजीव तिमीतिरै मुस्कुराइरहेको देख्नेछौ ।

किनकि,

संसार आफू अन्सार ॥

लेखक : प्रजिता खनाल

विहानिको निद्रा खुलोस सिर्फ तिम्रो सासले,

" सानु उठ न ढिलो भयो " भन्ने बोलीको मिठासले !

" ह्या, नकराउ " भन्दै रिसाएर कोल्टे म फेर्दा,

मेरो रिस शान्त पार्न तिमीले मलाई अङ्गालोमा बेर्दा,

कस्तो होला त्यो पल हाम्रो सम्झदा नै प्यारो ।

" उठेपछि एक छिन सुत न " भनेर नाडी तान्दै मेरो।।।

लेखक : प्रजिता खनालरी

मेराे सपना सायद यो बादल जस्तै

आज बिलाएर जान्छ त भोली फेरी फर्केर नयाँ बनी आउँछ

मेराे भाग्य सायद यो हावा जस्तै

कहिले सितल बतास त कहिले यसले आधिहुरि ल्याउँछ

अनि सायद मेराे जीवन यो निलो आकाश जस्तै

कहिले यसमा सेता सुन्दर बादल

त कहिले कालो गज्रिने बादल छाउँछ ॥

लेखक: आशेस भट्टराई

नेपाली साहित्यिक जगत