सपनाको खोजी - A never ending journey
सपनाको खोजी
सपना कति प्यारो छ है
त्यहि सपनालाई
अङ्गाल्दै
टाढा जानु छ
दुःख मात्र होइन साथी
खुसीले घरको छानो छाउनु
छ
त्यो कालो बादलको डरले
कति बस्नु अब
हिम्मत गरेर त्यो झ्याल
खोल्नु छ
अनि सुर्यको तेज
प्रकाशले
त्यो जीवन उज्यालो
पार्नु छ ।।
जीवनको मोडमा कैयौँ
बाधा आए पनि
हरेस नखाइ अघि बढ्नु छ
दुनियाले लडाउन खोजे पनि
उठेर संसार जित्नु छ
कुरा काट्छन दुनिया ले – काट्न देऊ ।
तिमीलाई त बस
आफ्नो आमाको ओठमा
मुस्कान ल्याउनु छ ।
ह्रदय रोइ रहेछ तर
ओठले मुस्कान छर्नुछ
गहभरिको आँसु लुकाइ
मनका कुरा खोल्नु छ
छुटेका होइनौ र छुट्ने पनि छैनौ
बस केहि समय त हो नि
सँगै बसेर फेरि मिठा
कुरा गर्नु छ
अनि बाल्यकालका ति क्षणहरु
फेरि ताजा पार्नु छ ।।
अनगिन्ति सम्झना मध्ये
अलिकति यहाँ छोडी जानु
सुखमा मात्र होइन साथी
दुःखमा पनि मलाइ सम्झनु
बिर्सने छैन तिमीलाई
कदापी
तिमी पनि मलाई नबिर्सनु
म तिम्रै अभागी साथी
सम्झेर तिमी छिटै
फर्कनु ।।
धेरै छन कुरा तिमीलाई
भन्नु
पछि सँगै बसेर भन्ने छु
तिमी खुसी त म खुसी
तिम्रै सुख र समृद्धीको
लागी
हरपल प्राथना गर्ने छु
।
हरपल प्राथना गर्ने छु ।
- सुनिल महतो
अन्य मार्मिक कृतिहरुः
Comments
Post a Comment
Any queries ??